張與辰香港過年有回家感覺 藝人相片, 張與辰

starphoto

接受新城廣播《勁爆樂勢力》錄音訪問
張與辰香港過年有回家感覺 約好友逛花市感受節日氣氛
預告帶演唱會返家鄉 回饋大馬粉絲


（2026年2月15日 –香港）歌手張與辰前日（13日）到新城廣播接受黎莉主持的《勁爆樂勢力》錄音訪問，宣傳新歌《獨居的儀式感》，並暢談新春大計，與辰興奮表示：「除咗繼續寫更多歌，有更多作品同大家分享，當然係開多幾場騷，希望可以將演唱會帶到更多城市，尤其係我家鄉馬來西亞，回饋一直支持我嘅觀眾朋友。」

與辰表示去年在香港開騷時，不少大馬朋友都會特意飛過來，加上當時正值跨年，很多人未必有空，「所以好希望可以將呢場演唱會帶過去馬來西亞，親口唱畀大家聽。」

談到新春習俗，與辰直言今年是真正在香港過年，「好多年前試過一次喺香港跨年，但初二就飛走咗。今年感覺好唔一樣，我陪住大家去買年貨、年花，終於有回家嘅感覺，好期待喺香港過農曆年。」

被問到馬來西亞與香港過年有何不同，與辰忍不住大吐「買花苦水」：「喺馬來西亞媽媽會負責佈置，喺香港我要自己去買花，又唔知道點揀，要問人哋『邊盆會開花』、『呢盆放到過年會唔會開』，結果天氣開始轉熱，啲花已經開晒。」

雖然香港朋友不算多，但與辰已約定幾位好友團拜，並相約他們一起逛花市，與辰表示：「我好鍾意行花市，係香港過年不可或缺嘅儀式感。」


詳細節目內容，請留意2月19日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/